నిప్పుల కుంపటిగా తెలంగాణ… ఒక్కరోజే 40 మంది మృతి

heat

భానుడి ప్రచండ ఉష్ణోగ్రతలతో తెలంగాణ నిప్పుల కుంపటిని తలపిస్తోంది. భానుడి సెగలు, ఉక్కపోతల మధ్య ప్రజలు తీవ్ర అవస్థలు పడుతున్నారు. సోమవారం జగిత్యాల జిల్లా కోల్వాయి, ఎండపల్లి రాజారాంపల్లిలో పగటి ఉష్ణోగ్రత 47.9 డిగ్రీలుగా నమోదైంది. తెలంగాణ ప్రాంతంలో గత 130 ఏళ్లలో ఇది రెండో అత్యధిక ఉష్ణోగ్రత కావడంతో పరిస్థితికి అద్దం పడుతోంది. రామగుండంలో 47.2, ఆదిలాబాద్‌లో 45.8 డిగ్రీల ఉష్ణోగ్రత నమోదుకాగా.. ఈ రెండు పట్టణాల్లో గత పదేళ్ల మే నెల అత్యధిక ఉష్ణోగ్రత ఇదేనని వాతావరణ శాఖ తెలిపింది.

భానుడి భగభగలకు తెలంగాణలో ప్రజలు పిట్టల్లా రాలిపోతున్నారు. సోమవారం ఒక్కరోజే రాష్ట్రవ్యాప్తంగా 40 మంది ప్రాణాలు కోల్పోయారు. ఉమ్మడి కరీంనగర్ జిల్లాలో 15 మంది, నల్గొండ జిల్లాలో 11 మంది, భద్రాద్రి కొత్తగూడెం జిల్లా ఇల్లెందు మండలంలో ముగ్గురు, దమ్మపేట మండలంలో ఇద్దరు, వాజేడులో ఒకరు, సుజాతనగర్‌లో ఒకరు మృతిచెందారు. ఖమ్మం జిల్లాలోని మధిర, చింతకాని, తల్లాడ మండలాల్లో ఒక్కొకరు, ఖమ్మం మండలంలో ఇద్దరు మృత్యువాత పడ్డారు. మహబూబ్‌నగర్‌ జిల్లా మక్తల్‌ మండలంలో ఒకరు, మెదక్‌ జిల్లా గజ్వేల్‌లో ఒకరు మృతి చెందినట్లు అధికారులు తెలిపారు.

Share This Post
0 0

Leave a Reply