దొర గారు రోడ్డు మార్గంలో వెళ్లొచ్చుగా.. మతలబు వేరే ఉంది: విజయశాంతి

సీఎం కేసీఆర్.. హుజూర్‌నగర్ ఎన్నికల ప్రచార సభను రద్దు చేసుకోవడంపై తెలంగాణ కాంగ్రెస్ ప్రచార కమిటీ ఛైర్‌పర్సన్, నటి విజయశాంతి విమర్శల వర్షం కురిపించారు. వాతావరణం అనుకూలించలేదనే సాకుతో కేసీఆర్ హుజూర్‌నగర్ పర్యటనను వాయిదా వేసుకోవడం వెనక అసలు మతలబు వేరే ఉందని వ్యాఖ్యానించారు. నిజంగా ఆయన హుజూర్‌నగర్‌లో పర్యటించాలని భావించి ఉంటే.. రోడ్డు మార్గం ద్వారానైనా ఎన్నికల ప్రచారానికి వెళ్లే అవకాశం ఉందన్నారు. ఈ మేరకు తన ఫేస్‌బుక్ ఖాతాలో గురువారం (అక్టోబర్ 17) ఓ పోస్టు చేశారు.

‘హైదరాబాద్ నుంచి కేవలం 200 కిలోమీటర్ల దూరం ఉన్న హుజూర్‌నగర్‌కు రోడ్డు మార్గం ద్వారా వెళ్లే అవకాశం ఉంది. కానీ, హెలికాప్టర్ ద్వారా మాత్రమే హుజూర్‌నగర్‌కు వెళ్లాలని కేసీఆర్ భావించారు. దీనికి ప్రధాన కారణం ఆర్టీసీ సమ్మె నేపథ్యంలో నిరసన సెగ తగులుతుందేమో అనే భయం మెంటాడమే’ అని విజయశాంతి అన్నారు.

Share This Post
0 0

Leave a Reply